قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №703

  2015 جىلعى 9 جەلتوقسان, استانا قالاسى «ەلەكتر جانە جىلۋ جەلiلەرiن كۇزەتۋ, ەلەكتر جانە جىلۋ جەلىلەرىنىڭ كۇزەتۋ ايماقتارىندا جۇمىس جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 ناۋرىزداعى № 231 بۇيرىعىنا وزگەرىس پەن تولىقتىرۋلار ەنگىزۋ تۋرالى بۇيىرامىن: 1. «ەلەكتر جانە جىلۋ جەلiلەرiن كۇزەتۋ, ەلەكتر جانە جىلۋ جەلىلەرىنىڭ كۇزەتۋ ايماقتارىندا جۇمىس جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 ناۋرىزداعى № 231 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №11011 بولىپ تىركەلدى, «ادىلەت» اقپاراتتىق-قۇقىقتىق جۇيەسىندە 2015 جىلعى 19 ماۋسىمدا جاريالاندى) مىناداي وزگەرىس پەن تولىقتىرۋلار ەنگىزىلسىن: كورسەتىلگەن بۇيرىقپەن بەكىتىلگەن ەلەكتر جانە جىلۋ جەلiلەرiن كۇزەتۋ, ەلەكتر جانە جىلۋ جەلىلەرىنىڭ كۇزەتۋ ايماقتارىندا جۇمىس جۇرگىزۋ قاعيدالارىندا: 2-تاراۋ مىناداي مازمۇنداعى 59-1, 59-2 جانە 59-3-تارماقتارىمەن تولىقتىرىلسىن: «59-1. جوعارى كەرنەۋى 6-دان 20 كۆ-گە دەيىن سەكتسيالانعان جانە تاراتۋشى پۋنكتتەرى بار كىشى ستانتسيالارىنا بولىنگەن جەر ۋچاسكەلەرىنىڭ الاڭدارى وسى قاعيدالاردىڭ 3-قوسىمشانىڭ 1-كەستەسىندە كەلتىرىلگەن شامالاردان ارتىق بولمايدى. 59-2. جوعارى كەرنەۋى 35-تەن 1150 كۆ-گە دەيىنگى ەلەكتر قوسىلىستارىنىڭ (جيىنتىقتى قوسا العاندا) ءار ءتۇرلى سحەمالارى بار كىشى ستانتسيالارعا بولىنگەن جەر ۋچاسكەلەرىنىڭ الاڭدارى وسى قاعيدالاردىڭ 3-قوسىمشانىڭ 2-كەستەسى بويىنشا ورناتىلادى. 59-3. وسى قاعيدالاردىڭ 3-قوسىمشاسىنىڭ 2-كەستەسىندە كەلتىرىلگەن عيماراتتىڭ قۇرامىنا جانە كىشى ستانتسيالاردىڭ قۇرىلىستارىنا سايكەس كەلمەيتىن عيماراتتار مەن قۇرىلىستاردىڭ قۇرامى بار (ونىڭ ىشىندە تاراتۋشى قۇرىلعىلاردىڭ ۇياشىقتارى) شاعىن ستانتسيالارعا بولىنگەن جەر ۋچاسكەلەرىنىڭ الاڭدارى 3-قوسىمشانىڭ 3-كەستەسىندە كەلتىرىلگەن شاماعا ۇلعايتىلادى نەمەسە ازايتىلادى.». 4-تاراۋ الىنىپ تاستالسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق–قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى العان كۇننەن باستاپ ون كۇنتىزبەلىك كۇن ىشىندە ونىڭ كوشىرمەسىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 4) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 5) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2), 3) جانە 4) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى بەرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ەنەرگەتيكا ءمينيسترىنىڭ مىندەتىن اتقارۋشى م.مىرزاعاليەۆ «كەلىسىلدى» قازاقستان رەسپۋبليكاسىنىڭ اۋىل شارۋاشىلىعى ءمينيسترى ____________ ا. مامىتبەكوۆ 2015 جىلعى 23 جەلتوقسان بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12928 بولىپ ەنگىزىلدى.